Schola Catharina

June 24th, Birth of St. John the Baptist

Introitus (Jes. 49, 1.2)
De ventre matris meae vocavit me Dominus nomine meo: et posuit os meum ut gladium acutum: sub tegumento manus suae protexit me, posuit me quasi sagittam electam.
Tussenzang (Ps. 91, 2):
Bonum est confiteri Domino: et psallere nomini tui, Altissime.
Graduale (Jer. 1, 5.9)
Priusquam te formarem in utero, novi te: et antequam exires de ventre, santificavi te. Misit Dominus manum suam, et tetigit os meum, et dixit mihi.
Alleluia (Lc. 1, 76)
Alleluia. Tu, puer, propheta Altissimi vocaberis: praeibis ante Dominum parare vias eius. Alleluia.
Offertorium (Ps. 91, 13)
Iustus ut palma florebit: sicut cedrus, quae in Libano est, multiplicabitur.
Communio (Lc. 1, 76)
Tu, puer, propheta Altissimi vocaberis: praeibis enim ante faciem Domini parare vias eius.
Tussenzang (Luc. 1 68):
Benedictus Dominus Deus Israel, quia visitavit et fecit redemptionem plebi suae.
Hymne
Ut queant laxis resonare fibris Mira gestorum famuli tuorum, Solve polluti labii reatum, Sancte Joannes.
Nuntius celso veniens Olympo, Te patri magnum fore nasciturum, Nomen, et vitae seriem gerendae Ordine promit.
Ille promissi dubius superni, Perdidit promptae modulos loquelae; Sed reformasti genitus peremptae Organa vocis.
Ventris obstruso recubans cubili Senseras Regem thalamo manentem Hinc parens nati meritis uterque Abdita pandit.
Sit decus Patri, genitaeque Proli, Et tibi compar utruisque virtus, Spiritus semper, Deus unus, omni Temporis aevo. Amen.